Një bandë kriminale shqiptare që merrej me trafikimin e drogës është zbuluar në Itali, e si rezultat kanë rënë në pranga dy persona dhe janë vënë në hetim dy të tjerë.
Sipas mediave italiane, grupi kriminal kishte gjetur strehë në një hotel në Assisit ku policia kishte hyrë në agim, dhe gjatë kontrollit efektivët gjetën në një tavolinë 5 mbështjellës të mbyllur me ngrohje, me kokainë dhe hashash. Gjithashru ata gjetën të fshehur brenda një gardërobe, një paketë të vërtetë për paketimin e lëndës narkotike: qese të shumta celofani dhe një peshore precize me mbetje pluhuri të bardhë, me sa duket kokainë dhe një qese me 2700 euro në kartëmonedha të prerjeve të ndryshme, ndoshta të ardhura nga veprimtaria e trafikut të drogës të grupit kriminal.
Me përfundimin e hetimeve, dy shqiptarët, në dhomën e të cilëve u sekuestrua droga, u arrestuan për veprën penale të posedimit me qëllim trafikimin e lëndëve narkotike dhe me urdhër të Prokurorit Publik u shoqëruan në burgun Perugia Capanne.
Dy shtetasit e tjerë shqiptarë, të lindur në vitet 2000 dhe 2005, janë referuar në Gjykatën për të njëjtën vepër penale.
