Dhjetëra mijëra protestues u mblodhën në rrugët e Washingtonit dhe Londrës për të shprehur solidaritetin e tyre me Palestinën dhe me popullin në Gaza. Me flamuj dhe pankarta në duar, protestuesit bën thirrje për një “armëpushim të menjëhershëm” të luftës në Gaza, duke kërkuar gjithashtu nga Izraeli t’i jap fund agresionit.
Shumë palestinez apo njerëz që vijnë nga Rripi i Gazës dhe që jetojnë në Michigan dhe Texas shprehën solidaritet me bashkëatdhetarët e tyre në rrugët e Washingtonit. Ata i bënë thirrje edhe presidentit Joe Biden, i cili “mund ta ndalojë këtë çmenduri”, sipas tyre.
Gjithashtu edhe demonstruesit në rrugët e Londërs, bënë thirrje që të ndalohet bombardimi I fëmijëve në Gaza dhe duke iu drejtuar kryeministrit Sunak që të ndalojë financimin e genocidit.
Lufta në Gaza mes Izraelit dhe Palestinës ka hyrë në ditën e 100-tëm që prej 7 tetorit të vitit të shkuar. Përplasja e armatosur mes dy vendeve duket se ka ndarë dhe botën më dysh, teksa gara për armatim dhe për mbrojtje ushtarake është më e fuqishme se kurrë.
