Policia e Korçës raporton se ka filluar procedimin penal në gjendje të lirë ndaj një 15-vjeçari, banues në qytetin juglindor, pasi ka shkaktuar një aksident automobolistik.
Autoritetet bëjnë me dije se i mituri, duke drejtuar automjetin pa leje drejtimi, dyshohet se ka humbur kontrollin e drejtimit të tij dhe automjeti ka dalë nga rruga në aksin “Korçë-Mborje”, pranë degëzimit për në Malin e Moravës.
Si pasojë e aksidentit ka mbetur i plagosur një 13-vjeçar, pasagjer në mjet, i cili ndodhet për mjekim në spital.
Materialet i kaluan Prokurorisë së Korçës për veprime të mëtejshme.
