Tirana është tronditur nga disa të shtëna me armë zjarri në zonën e Selitës.
Për pasojë një person ka mbetur i plagosur dhe është transportuar me urgjencë për në spital, nën kujdesin e mjekëve jashtë rrezikut për jetën.
Sipas informacioneve nga policia, mësohet se i plagosuri është identifikuar shtetasi, Zamir Kalemi (35 vjeç).
“Më datë 12.01.2024, rreth orës 22:55, tek rrethi i Selitës, është plagosur me armë zjarri në këmbë, shtetasi Z. K., rreth 35 vjeç, i cili është transportuar dhe ndodhet në spital, nën kujdesin e mjekëve jashtë rrezikut për jetën.
Shërbimet e DVP Tiranë, po vijojnë krehjen e zonës dhe kanë ngritur pika kontrolli në të gjitha akset kryesore dhe hyrje-daljet e Tiranës, për identifikimin dhe kapjen e autorit/ve të dyshuar. Grupi hetimor po punon për sqarimin e rrethanave të ngjarjes”, njofton policia.
