Mijëra pasagjerë në aeroportin ndërkombëtar “Nënë Tereza” të Rinasit kanë mbetur në errësirë mbrëmjen e kësaj të premte pas një ndërprerjeje të energjisë elektrike.
Mësohet se prej disa minutash në ambientet e aeroportit “Nënë Tereza” energjia mungon, ndërsa shkaku për këtë incident ende nuk dihet.
Në një kohë kur kryeministri Edi Rama “mburret” çdo ditë me rritjen e numrit të turistëve, Shqipëria e qeverisur nga socialistët nuk plotësojnë as bazën elementare për të pritur pushuesit në vendin tonë.
Së fundmi Rinasi ka shfaqur problematika serioze me mungesën e energjisë elektrike.
Gjithashtu, vlen të theksohet fakti se që prej liberalizimit të vizave në dhjetor të vitit 2010, ku shqiptarët fituan të drejtën për të lëvizur pa viza në zonën Shengen, numri i udhëtarve ka ardhur çdo vit në rritje, por ndërkohë kompania koncesionare duket se ka bërë investime të pamjaftueshme për të përballuar fluksin shtesë. Madje, gjatë verës, udhëtarëve iu kërkua se duhej të paraqiteshin tre orë para fluturimit, nga dy orë që është standardi normal kudo nëpër botë.
Po ashtu, vlen të përmendet edhe problematikat që kanë kompani të caktuara avionësh, ku një prej tyre, e cila njihet si më problematika është “Wizz Air”. Denoncimet për këtë kompani pothuajse janë të përditshme, me shtyrjen me orë të të tëra për linjat e fluturimeve, mungesa e transparencës dhe mosqarimi i udhëtarëve, si dhe denoncime për kushtet në avion. Kompania “Wizz Air” ka patur raste që i ka shtyrë edhe me ditë fluturimet, dhe udhëtarët kanë ngelur në terminalet e aeroporteve, pa e ditur se çfarë do të bëhet me “fatet” e tyre.
