Albana Vokshi komentoi mbledhjen e fundit të qeverise në një nga resortet më luksoze, teksa e quajti Ramën dhe shoqëruesit e tij të ngjashëm me ‘Ali Baba me 40 hajdutë’.
Vokshi komentoi dhe aferën korruptive të Ramës me McGonigal, ku shtoi se për mikun e Ramës drejtësia amerikane kërkoi 30 muaj burg, ndërsa në Shqipëri kjo çështje vazhdon të mos hetohet.
“Mbledhja e Edi Ramës në një resort luksoz turistik në Lezhë, ku e gjithë qeveria ka vajtur atje, ku na prezantohen projekte investimesh në 3D ndërkohë që prej kaq vitesh, muajsh, kemi kallëzuar për abuzimet e mëdha dhe galopante të korrupsionit të qeverisë Rama.
Rama siç duket edhe nëpërmjet shkrirjeve apo krijimit të ministrive që në asnjë vend të botës nuk ekzistojnë, apo nëpërmjet emërimeve të personave më të cilët do vazhdojë të vjedhë dhe më këto mbledhjet duket si ‘Ali Baba me 40 hajdutë’.
Ku, secili prej tyre ose pjesa më e madhe e tyre ose është kallëzuar ose është në hetim ose është duke u çuar në hetim. Me në krye hajdutin Edi Rama. Ai po bën ato çfarë ne si opozitë kemi paralajmëruar prej vitesh, kemi bërë betejat tona brenda dhe jashtë parlamenti.
Por, për fat drejtësia në Amerikë funksionon, nuk është si drejtësia në Shqipëri , ku është bërë një kallëzim nuk hetohet çështja e korrupsionit. Emri i Edi Ramës, kryeministër i Shqipërisë, i përfshirë në aferat me McGonigal përsëritet tre herë, pra, ai është bashkëpuntor, pra prokuroria , drejtësia amerikane e konsideron Ramën bashkëpunëtor.”, tha Vokshi per Syri tv.
