Teuta ka bërë goditjen e radhës në merkaton e dimrit. Klubi durrsak ka konfirmuar se ka firmosur me Matias Lloçin i cili vjen nga klubi belg Virton.
23-vjeçari i lindur në Belgjikë, por me origjinë shqiptare, për disa ditë u stërvit me Kukësin, madje shënoi edhe një gol në miqësoren ndaj Burrelit, por në momentet e fundit ka zgjedhur të luajë për Teutën.
Mesfushori ka qenë njëkohësisht pjesë e kombëtarve të moshave të Belgjikës U-17, U-18 dhe U-19.
Më herët Teuta ka prezantuar edhe këta lojtarë: Elmando Gjini, Rodrigo Faust dhe Arbër Çyrbja.
Njoftimi i Teutës:
KF Teuta ka kënaqësinë të njoftojë se mesfushori, Matias Lloci është zyrtarisht pjesë e skuadrës sonë. Klubi ynë ka arritur ditën e sotme një marrëveshje me lojtarin 23 vjeçar, i cili vjen te Teuta pas eksperiencës pozitive me ekipin e Virton, në Belgjik ndërsa ka luajtur edhe me klubin e KVC Westerlo. Lloci ka qën njëkohësisht kontigjent i ekipeve përfaqësues të Beligjikës U17, U18 dhe U-19. KF Teuta i uron mirëseardhje mesfushorit #MatiasLloci dhe i uron shumë suksese me fanellën e klubit tonë.
