Kreu i Grupit të Partisë Demokratike, Gazment Bardhi, ka folur këtë të hënë për situatën në PD, dhe masën ‘arrest në shtëpi’, ndaj kreut opozitar Sali Berisha.
Në një intervistë për News24, Bardhi ka deklaruar se tashmë janë drejt bashkimit të opozitës në një koalicion të gjerë opozitar. Ndërsa masën e sigurisë ndaj Berishës, Bardhi e ka cilësuar si të panevojshme. Sipas tij ndërprerja e komunikimit me publikun është tejkalim. Ai shprehet se Prokuroria mund ta kishte hequr masën.
Bardhi: Kemi lënë mënjanë konfliktin, në fokus bashkimi. Po punojmë për bashkimin në një formacion të opozitës dhe shumë shpejt do të kemi zhvillime sa i përket bashkimit”, është shprehur ai ndër të tjera.
“Ligji i PS për Komisionet Hetimore, mekanizëm i mazhorancës. I jam drejtuar me letër zyrtare Presidentit Begaj. Presidenti të ngrihet në lartësinë e përfaqësuesit të popullit”.
