Një autoambulancë është aksidentuar në aksin Lushnjë-Fier këtë të diel. Mjeti ka dalë nga rruga dhe si pasojë është lënduar drejtuesi dhe një infermiere që ndodhej në bord.
“E.T., 34 vjeç, banues në Fier, në aksin rrugor ‘Lushnjë-Fier’, në fshatin Vajkan, duke drejtuar ambulancën, ka humbur kontrollin mbi drejtimin e mjetit dhe për pasojë ka dalë nga rruga. Si pasojë e kësaj dalje nga rruga është dëmtuar drejtuesi i ambulancës dhe infermjerja, shtetasja A. Ç., 33 vjeçe, të cilët ndodhen në spital, në kujdesin e mjekëve”, njoftoi policia.
Të njëjtat burime konfirmuan se shoferi është proceduar në gjendje të lirë.
