Tre të rinj janë shpallur në kërkim nga Policia në Vlorë, pasi akuzohen për kanosje.
Blutë bëjnë me dije se në bashkëpunim me njëri-tjetrin tre të rinjtë kanë kanosur me armë zjarri një 33 vjeçar, banues në Cërrik.
“Specialistët për Hetimin e Krimeve të Komisariatit të Policisë Vlorë referuan materialet në Prokurori dhe po punojnë për kapjen e shtetasve 29 vjeç, 27 vjeç dhe 24 vjeç, të tre banues në Vlorë, pasi ditën e djeshme, ka kallëzuar shtetasi E. H., 33 vjeç, banues në Cërrik, se këta shtetas e kanë kanosur me një send të ngjashëm me armë zjarri, për motive të dobëta. Gjatë kontrollit në banesën e shtetasit G. B. u gjet dhe u sekuestrua një sasi municioni luftarak”, thuhet në njoftimin e policisë.
