“Revolucion” tek Erzeni. Klubi nga Shijaku ka njoftuar ndërprerjen e bashkëpunimit me plot 8 futbollistë.
Një lëvizje e papritur kjo, teksa drejtuesit duket se duan të ndryshojnë fytyrën e ekipit në vitin e ri.
Sokol Kiqina, Flavio Meçja, Amer Duka, Elian Çelaj, Kristi Kote, Elvis Gjoni, Edi Isteri dhe Klodian Pjetri nuk do të jenë më pjesë e Erzenit. Siç u njoftua nga vetë klubi përmes një postimi në rrjetet sociale.
Mbi të gjitha spikat emri i Flavio Meçjes, i cili në këtë edicion ka luajtur në 18 ndeshje, duke shënuar dhe 2 gola.
Ndërkohë që Kiqina, Duka, Çelaj, Kote, Istrefi, Gjoni dhe Pjetri nuk kanë mundur të gjejnë shumë hapësira.
Erzeni ka grumbulluar 21 pikë në 18 ndeshje, duke u renditur në vendin e 8-të. Në kuotë të barabartë pikësh me Laçin që mban një pozicion më sipër në renditje.
Shijakasit e drejtuar nga Alfred Deliallisi, do e nisin vitin 2024 përballë bardhezinjve të Mirel Josës në Kurbin. Duel që do të zhvillohet në datën 14 janar.
