Një aksident automobilistik është regjistruar mesditën e kësaj të mërkure në Vlorë, ku një makinë ka përplasur një të mitur në rrugë.
Autoritet policore raportojnë se shtetasi M. Gj., 35 vjeç, duke drejtuar auotmjetin tip “Opel”, ka aksidentuar një shtetas të mitur, rreth 8 vjeç. Ngjarja ka ndodhur rreth orës 12:30, në rrugën “Pelivan Leskaj”.
I mituri ka mbetur i plagosur dhe është dërguar me urgjencë në spitalin e qytetit bregdetar dhe mësohet se jashtë rrezikut për jetën.
Drejtuesi i automjetit është shoqëruar në ambientet e komisariatit, për veprime të mëtejshme. Grupi hetimor po punon për zbardhjen e plotë të rrethave të aksidentit.
