Një ngjarje e rëndë raportohet të ketë ndodhur në Kroaci. Një burrë në rrethana ende të paqarta ka vrarë me armë zjarri nënën e tij, bashkëshorten dhe më pas edhe veten. Ngjarja ndodhi në Goricë të Madhe.
“Rreth orës 10 në Goricë të Madhe, në rrugën Zagrebaçka, një burrë ka vrarë me armë zjarri një grua në një dyqan”, njofton policia.
Siç kanë bërë të ditur portalet lokale, vrasësi nga Gorica e Madhe është Zvonko D., mekanik në pension i ZTC (Qendra Teknike Aeronautike). Qytetarët e Goricës së Madhe kanë mbetur të tronditur pas krimit të frikshëm.
“Një çmenduri e plotë. Ishte i zbathur dhe në të brendshme, me pushkë në dorë, burri hyri në dyqan pas gruas së tij, e cila po ikte në panik dhe i kërkonte ndihmë ndërsa e ka qëlluar”, thotë njëri prej dëshmitarëve.
Ende nuk dihet shkaku i ngjarjes së rëndë. Autoritetet vijojnë hetimet për zbardhjen e plotë të rastit.
