Që në orët e para të mëngjesit, mijëra banorë që përdorin linjën Kamëz – Tiranë – Kamëz, kanë pritur në radhë për të marrë biletën mujore të transportit që duhet të ishin shpërndarë tashmë nga Bashkia. Pas orëve të tëra pritje, abonetë nuk janë shpërndarë.
Kjo ka bërë që ata në shenjë proteste të bllokojnë nisjen e autobusëve të linjës Kamëz-Tiranë mëngjesin e sotëm duke krijuar kaos dhe vonesa të gjata.
Policia po tenton të negociojë me qytetarët dhe të shpërndajë protestuesit.
Kjo situatë ka krijuar trafik të rënduar deri në Fushë Krujë.
