As muaji i fundit i vitit duket se nuk do t’i japë frymëmarrje arkës së shtetit.
Edhe pse jemi në dhjetor ku pak ditë na ndajnë nga viti i ri, kjo ngjan si periudha më e nxehtë e vitit për kioskat dhe bizneset lëvizëse të instaluara prej javësh tashmë në sheshin e kryeqytetit, një periudhë me bum turistësh, me aktivitete që gjallërohen, etj., Por me sa duket, administrata tatimore ka shkuar me “pushime të parakohshme” që prej Ditës së Flamurit duke lënë evazionin dhe informalitetin të lulëzojë në çdo cep të sheshit.
Mjafton të shikosh ofrimin e shërbimit apo të mallit, të pashoqëruar me faturë tatimore, dhe kjo ndodh m’u në mes të Tiranës. Rezultati duket qartë.
Shteti po vidhet në mes të ditës dhe tashmë, si fundvit, nga tatimet do kemi një raportim se buxhetit i mungojnë jo pak, por disa milionë dollarë.
Pse? Sepse dikush ka vendosur të lodhet para kohe.
