Të tjera detaje kanë dalë në dritë nga masakra në Pragë, ku një student vrau me armë zjarri 14 bashkëmoshatarë dhe plagosi mbi 20 të tjerë.
Sipas policisë çeke, studenti ka lënë një letër në të cilën duket se rrëfen se para 14 personave kishte kryer një tjetër vrasje të dyfishtë.
Policia njoftoi ditën e sotme se letra u gjet në shtëpinë e sulmuesit në fshatin e tij pranë Pragës, në të cilën ai rrëfen vrasjen e një foshnjeje dhe babait të saj në një pyll në periferinë lindore të kryeqytetit, ku mes të tjerash shkruan ‘Kam vrarë një foshnje dhe babanë e saj‘. Policia është treguar e rezervuar në publikimin e plotë të letrës, për shkak të hetimeve, shkruajnë mediat vendase.
Sulmuesi, i cili sipas policisë vrau veten teksa iu afruan, tashmë cilësohet si autor i ekzekutimit të 17 personave.
Deri më tani, policia çeke nuk ka dhënë një motiv të mundshëm për vrasjet dhe thotë se hetimi është në vazhdim.
