GJKKO pritet të vendosë sot për kërkesën e SPAK për caktimin e masës së sigurisë ‘arrest në shtëpi’ për ish-kryeministrin Sali Berisha, në hetim për ish-kompleks ‘Partizani’.
Vendimi pritet të jepet në orën 15:00, ndërsa dy ditë radhazi janë shtyrë seancat e mëparshme pasi avokatët e Berishës kërkuan përjashtimin e gjyqtares Irena Gjoka.
Avokatët e Berishës po kërkojnë të shtyjnë sërish kohën e marrjes së vendimit nga GJKKO për caktimin e masës së sigurisë për Sali Berishën.
Avokatët e Berishës dorëzojnë kërkesë në gjykatë për marrjen e provave. Mbrojtësit kanë kërkuar audion e seancës dhe procesverbalet, për të provuar njëanshmërin e gjyqtares Irena Gjoka.
Avokatët kërkojnë të gjitha vendimet e arsyetuara, të dhëna nga gjyqtarja Gjoka por edhe vendimet e dhëna nga gjyqtarët e tjerë që kanë rrëzuar kërkesat e avokatëve për përjashtimin e saj nga çështja Berisha.
