Sot do të jetë ndeshja e 100- të e Liverpulit në kampionat kundër Arsenalit në “Anfield”. Liverpuli është i pamposhtur në 10 ndeshje të Premier Ligë në shtëpi kundër Arsenalit, duke fituar 7 dhe barazuar 3. “Topçinjtë” nuk kanë mbyllur asnjë ndeshje pa pësuar në 15 përballjet e fundit me Liverpulin në kampionat, duke pësuar 43 gola gjatë kësaj serie.
LIVERPULI
– Liverpuli ka humbur vetëm 1 nga 15 ndeshjet e fundit në kampionat në “Anfield”, ndërsa nuk mposhtet në 20 të fundit.
– Seria e 26 ndeshjeve radhazi në kampionat ku Liverpuli shënonte, përfundoi në sfidën e fundit, me barazimin 0-0 në shtëpi me Mançester Junajtidin.
– Skuadra e Klopit bëri 34 goditje drejt portës në atë ndeshje, më shumë nga një skuadër e Premier Ligës pa shënuar në 7 vitet e fundit.
– Skuadra e Liverpulit me Klopin në stol ka humbur vetëm 3 nga 41 ndeshjet e tyre të Premier Ligës në shtëpi përballë 6 ekipeve më të rëndësishme, duke fituar 22 dhe barazuar 16. – Mohamed Salah ka shënuar 9 gola në 13 ndeshje të kampionatit kundër Arsenalit, përfshirë 1 si lojtar i Çelsit.
– Trent Aleksander-Arnold ka regjistruar 6 asiste në Premier Ligë kundër “topçinjve”, me pesë prej tyre që kanë ardhur në “Anfield”.
ARSENALI
– Arsenali ka fituar 7 nga 9 ndeshjet e fundit në të gjitha kompeticionet, duke barazuar 1 dhe humbur tjetrën. Ajo humbje erdhi me Aston Vilën, ndërsa “topçinjtë” mund të humbasin dy ndeshje radhazi të kampionatit në transfertë për herë të parë që prej majit 2022.
– “Topçinjtë” kanë fituar 24 nga 39 ndeshjet e tyre të Premier Ligës në vitin 2023 (8 barazime, 7 humbje) dhe do synojnë të fitojnë 25 ndeshje radhazi të kampionatit në dy vite radhazi për herë të parë.
– Skuadra e Mikel Artetës ka pësuar vetëm 43 goditje në portë këtë sezon në Premier Ligë, më pak se çdo skuadër e kampionatit.
– Gabriel Martineli e ka gjetur rrugën e rrjetës kundër Liverpulit 4 herë dhe ai ka shënuar dhe asistuar në të dyja përballjet e Premier Ligës sezonin e shkuar.
– Gabriel Zhezus ka shënuar ose asistuar në tri transfertat e fundit të Arsenalit në “Anfield”, duke shënuar golin e tyre të dytë në barazimin 2-2 atje sezonin e shkuar.
