Një qendër masazhi ku ushtrohej prostitucion ështëzbuluar nga policia e Tiranës, që ka arrestuar dy persona dhe ka proceduar penalisht një tjetër.
Në pranga është vënë administratori i qendrës së masazheve ku ushtrohej edhe aktiviteti i jashtëligjshëm. Në pranga është vënëdhe një nga vajzat që punonte aty, ndërsa një tjetër është proceduar në gjendje të lirë.
Të arrestuar janë E.S., 39 vjeç, dhe H. M., 39 vjeçe, të dy banues në Tiranë. Gjithashtu u procedua penalisht V.V., 39 vjeçe, banuese Tiranë.
“Shtetasi E. S., administronte një qendër masazhesh, në ‘Tish Daija’, në të cilën ishin të punësuara shtetasja H.M., dhe V.V. Përveç aktivitetit të regjistruar ligjërisht si qendër masazhesh, në këtë subjekt ushtrohej edhe aktiviteti i kundërligjshëm i prostitucionit. Në cilësinë e provës materiale u sekuestruan shuma parash të dyshuara të përfituara nga kjo veprimtari e paligjshme, aparate celulare, dhe një automjet“, njoftoi policia.
Aksioni i koduar “Kamuflimi” erdhi pas disa muajsh hetme.
