Policia e Shkodrës ka dhënë detajet nga plagosja e dyfishtë e regjistruar pasditen e kësaj të premte në kryeqendrën e veriut.
Autoritetet bëjnë me dije se shtetasi E. F 14 vjeç ka plagosur me thikë dy të mitur 13 e 15 vjeç, të cilët janë dërguar në spital dhe po marrin ndimën mjekësore jashtë rrezikut për jetën. Ngjarja ka ndodhur rreth orës 18:15, pranë stadiumit “Loro Boriçi”.
Dyshohet se shkaku i konfliktit që përfundoi me dy të plagosur ka qenë bullizimi mes të miturve. Policia ka shoqëruar në komisariat 14-vjeçarin dhe po kryehen veprime proceduriale në prani të psikologut dhe familjarëve nën drejtimin e Prokurorit.
