Një gjykatë në Oklahoma ka shfajësuar nga akuzat një burrë që kaloi 48 vjet në burg për një vrasje që nuk e ka kryer, duke shënuar kështu një nga dënimit e gabuar më të gjatë në historinë e Shteteve të Bashkuara të Amerikës.
Glynn Simmons u lirua pasi një gjykata arriti të vërtetonte se provat vendimtare në rastin e tij nuk iu dorëzuan avokatëve mbrojtës.
“Kjo gjykatë konstaton me prova të qarta dhe bindëse se vepra për të cilën z. Simmons u dënua dhe u burgos nuk ishte kryer nga ai”, tha gjykatësja e qarkut të Oklahomës, Palumbo në vendimin e saj.
“Është një mësim në qëndrueshmëri dhe këmbëngulje. Mos lejoni që askush t’ju thotë se nuk mund të ndodhë, sepse me të vërtetë mundet”, tha Simmons pas vendimit.
Simmons kreu 48 vjet burg për vrasjen e Carolyn Sue Rogers, e cila u vra në vitin 1974 gjatë një grabitje në një dyqan pijesh alkoolike në një periferi të Oklahoma City.
Ai ishte 22 vjeç kur së bashku me të dyshuarin tjetër Don Roberts u dënuan me vdekje në 1975. Dënimet më vonë u reduktuan në burgim të përjetshëm, ndërkohë që la qelinë në moshën 70 vjeç.
