Të tjera detaje kanë dalë në dritë nga plagosja me armë zjarri e një shtetas shqiptar në Selanik.
Ngjarja ka ndodhur mbrëmjen e kaluar në rrugën “Sintagmatarxi Frizi”, ku ka mbetur i plagosur me armë zjarri shtetasi Marius Telah, 30 vjeç.
Mediat e huaja shkruajën se Telah, ka mbërritur te “Kafe Elinikon” me një automjet tip “Daihatsi Terios” së bashku me vëllanë e tij Klaudio Telah dhe të dashurën e tij, shtetasen greke A. B.
Ai ka zbritur nga mjeti dhe është përballur me një shtetas shqiptar, i cili ishte bashkë me babanë e tij dhe një person tjetër.
Shqiptari i dyshuar ka nxjerrë një armë zjarri dhe ja ka drejtuar 30 vjeçarit Telah, ndërkohë që ky i fundit ka tentuar t’ja marrë nga dora.
Të dy personat janë goditur me njërin-tjetrin dhe në një moment, i dyshuari ka goditur me qytën e armës në kokë 30 vjeçarin dhe më pas ka shtënë ndaj tij duke e plagosur në kofshën e këmbës së majtë.
Shoku i tij më pas e ka goditur Telahin me shkelma në trup dhe të dy janë larguar me vrap nga vendi i ngjarjes. Brenda mjetit të të plagosurit, policia greke gjeti dhe sekuestroi 1 gëzhojë, 1 plumb, 1 krehër dhe 4 fishekë.
