Këtë të enjte, 21 dhjetor, do të zhvillohet seanca e fundit parlamentare për këtë vit, e cila është parashikuar që të nisë në orën 10:00.
Ditën e sotme është zbardhur dhe rendi i ditës për këtë seancë plenare, ku pika e parë që do të trajtohet është shqyrtimi i kërkesës për dhënien e autorizimit nga Kuvendi për arrestimin/heqjen e lirisë së deputetit Sali Berisha nëpërmjet zëvendësimit të masës së sigurisë.
Po ashtu, të enjten pritet të mbahet dhe një protestë e thirrur nga Sali Berisha para Kuvendit, pas asaj të mbajtur ditën e hënë para Kryesisë së Kuvendit, ku u mbajt mbledhja e Këshillit të Mandateve dhe u miratua kërkesa e SPAK me 6 vota pro, ku 5 prej tyre i përkisnin mazhorancës dhe një Enkelejd Alibeajt.
