Belind Këlliçi ka marrë fjalën, në protestën e opozitës që po zhvillohet tek kryesia e Kuvendit, mesditën e kësaj të hëne.
Këlliçi ka bërë thirrje për SPAK që të zbatojë ligjin. Duke iu referuar denoncimeve të ditëve të fundit lidhur me inceneratorin e Tiranës, Këlliçi thotë se drejtësia e re ka marrë porosi për të goditur opozitën dhe jo qeverinë.
Këlliçi: Sot, institucionet e drejtësisë kanë marrë porosi për të goditur opozitën dhe jo qeverinë. Sot po goditeni ju! Ndaj u bëj një thirrje të rinjve, qytetarëve të Tiranës, dilni në këtë shesh se po luftohet edhe për ju, që të mos instalohet një diktatura që u rrëzua vite më parë.
Edhe sot shumë mund të kenë frikë, por mjafton kjo protestë e sotme.
I bëj thirrje SPAK ut ose do zbatoni ligjin, ose do mbani përgjegjësi para ligjit.
Sot afera më e madhe nuk mund të mbulohet.
