Partia Demokratike ka thirrur protestë mesditën e kësaj të hëne te Kuvendi, ndërkohë që sot mbahet edhe mbledhja për imunitetin e ish-kryministrit Sali Berisha.
Protesta pritet të nisë në orën 11:30. Pak para nisjes së protestës forca të shumta policie janë vendosur në afërsi të Kryesisë së Kuvendit dhe disa efektivë janë vendosur “gardh” tek dera e godinës. Mësohet se edhe brenda godinës ndodhen gardistë të shumtë, të cilët ashtu si edhe efektivët e policisë janë të pajisur me maskë kundragaz.
Ndërkohë kujtojmë se një tjetër ptotestë është paralajmëruar gjatë kësaj jave te parlamenti, ditën e seancës plenare.
