Në një nga aeroportet më të mëdha të Spanjës punonjësit kishin ndërtuar një sistem grabitje të pasagjerëve dhe shitjes së sendeve në platformat online.
Dyshimet janë se nga shitja kanë fituar miliona euro, ndërsa një pjesë e sendeve u arrit të bllokohej.
14 punonjës u kapën me akuzën e grabitjes së bagazheve. Në deklaratën e autoriteteve thuhet se vlera e sendeve të sekuestruara arrin në afro 2 milionë euro ku numërohen 29 orë dore luksoze, 120 bizhuteri, 22 celularë të nivelit të lartë dhe pajisje të ndryshme elektronike.
Të dyshuarit kishin shitur shumë objekte të tjera në internet ose në dyqane lokale, sipas policisë.
Arrestimet janë bërë në aeroportin më të madh në Tenerife, në Ishujt Kanarie, teksa 20 punonjës të tjerë janë nën hetim për të njëjtin rast.
Hetimet filluan pas një rritje të ankesave për cënimin e pronës, thuhet në deklaratë.
Aeroporti i Tenerife Jugor trajton rreth 11 milionë pasagjerë në vit, shumica prej të cilëve turistë evropianë që kërkojnë klimën e këndshme të ishujve në brigjet e Afrikës veriperëndimore.
