Gazetari Ervin Dushi ka treguar detaje të tjera rreth vrasjes se Liridona Ademaj për të cilin tha se është pronare e kafenesë dhe jo punonjëse e saj.
Sipas tij, çifti ka bërë disa manovra financiare me bizneset e tyre, në fillim kjo kafene ka qenë në pronësi të Naim Murselit, bashkëshortit të Liridonës, i cili tashmë është në burg i dyshuar si porositës i vrasjes së saj, ndërsa më pas kafeneja është riblerë nga çifti, por këtë herë në emër të Liridonës.
“Janë bërë disa manovra financiare, është shitur biznesi është blerë sërish, është hequr nga pronësia, pastaj është rimarr, kjo do të hapë mbase edhe një hetim për pastrim parash dhe evazion fiskal”,-tha gazetari per Euronews Albania.
Duke treguar dokumentet dushi shpjegon: “Kjo është firma e pastrimit që ka pasur Liridona bashkë me një person tjetër, në dokument duket se kush janë drejtuesit, Albert Jashari dhe Liridona Murseli.
“Biznesi “Diar dhe Diona B.”, është një tjetër biznes aktiv, që është si nënfirmë e të parës. Janë dy biznese që kanë dalë me humbje. Lejlas Cafe, biznesi nën pronësi të Liridona Murselit, ka të ardhura të mjaftueshme. Në këtë biznes, me letra në fillim e ka pasur Naimi, ai e ka shitur dhe është rimarrë nga Liridona”,-u shpreh gazetari.
