Ish-deputeti i Partisë Demokratike, Belind Këlliçi u shpreh se SPAK-u në mënyrë të qëllimshme ka hequr prova nga dosja ku Erion Veliaj sipas tij shihet qartë që është i implikuar në inceneratorin e Tiranës.belind kellici
Sipas Këlliçit, në relacionin e kërkesës për arrestim të Arben Ahmetaj, SPAK rendiste gjithashtu prova dhe fakte të komunikimit të Erion Veliajt me ministrin e financave të atëhershëm, Shkëlqim Cani, ku ky i fundit e refuzonte kërkesën e tij për financim të incineratorit të Tiranës. Ndërkohë pas largimit të Canit, ku në krye erdhi Arben Ahmetaj, qëndrimi i Ministrisë së Financave nuk ndryshoi dhe sërish kërkesa e Veliajt refuzohej. Sipas Këlliçit këto shkresa zyrtare midis institucioneve nuk janë përfshirë në vendimin e publikuar më 7 Dhjetor.
“Në 109 faqe të vendimi t të 7 Dhjetor për arrestimin e 15 anëtarëve për aferën e inceneratorit, aty nuk përmendet asnjëherë emri I Erion Veliajt. Ndërkohë që në relacionin e kërkesës për arrestimin e Arben Ahmetajt, të firmosur nga Altin Dumani, aty përmendet 3 herë emri i kryetarit të bashkisë; përmendet prova dhe fakte, komunikime elektronike të gjendura midis Taulant Tushës dhe Klodian Zotos. Janë hequr prova dhe shkresa që kanë qenë pjesë e relacionit të muajit korrik të këtij viti. Komunikime të Erion Veliajt me ministrinë e Financave, përkatësisht me Shkëlqim Canin, ku ai e refuzon kërkesën e Veliajt për të financuar inceneratorin e Tiranës; dhe më pas kur ai zëvendësohet nga Arben Ahmetaj, ky është dhe më I ashpër me Veliajn duke I refuzuar 4 herë kërkesën e Veliajt për të financuar inceneratorin. Këto shkresa çuditërisht janë zhdukur. Nuk janë pjesë e këtij vendimi dhe aktualisht hetimi vazhdon të jetë i hapur. SPAK-u në mënyrë të qëllimtë ka hequr provat”, tha Këlliçi në emisionin “Të Paekspozuarit” në MCN.
“Ka një vendimmarrje të qartë të Veliajt që njofton ministrinë e Mjedisit që kanë përfunduar studimin e fizibilitetit duke ndryshuar mënyrën. Këtë vendim e ka marrë Erion Veliaj. Këto janë vendime politike. Në shkresën e muajit maj 2017 ai e fut bashkinë e Tiranës për 30 vite të paguajë 91 milionë euro për këtë projekt. Në këtë moment Veliaj nuk i ka patur votat e Këshillit Bashkiak për të kaluar këtë vendim. Ai ka firmosur vetë!”, shtoi ai.
