Një aksident i rëndë është shënuar këtë të hënë në Lushnje. Një 64 vjeçar, duke drejtuar automjetin tip “Volkswagen” ka aksidentuar për vdekje një person ende të paidentifikuar.
Ngjarja ka ndodhur rreth orës 17:40 në fshatin Golem.
Drejtuesi i mjetit është shoqëruar në polici.
“Rreth orës 17:40, në Golem, Lushnjë, automjeti tip “Volkswagen” me drejtues shtetasin S. V., 64 vjeç, banues në Pojan, ka aksidentuar me pasojë vdekjen një shtetas, ende i paidentifikuar.
U shoqërua drejtuesi i mjetit në Komisariat, me të cilin po kryhen veprimet procedurale.”- njofton policia.
Grupi hetimor po punon për identifikimin e shtetasit që ka ndërruar jetë dhe për zbardhjen e shkakut të aksidentit.
