Një aksident ka ndodhur mëngjesin e sotëm pranë fshatit Qukës në zonën e quajtur “Ura e Mërkurit”.
Sipas raportimin në media, dy automjete janë përplasur “kokë më kokë” me njëra-tjetrën, ndërsa siç shihet nga pamjet, një prej makinave ka përfunduar mbi trafikndarëse.
Njëri prej të plagosurve është transportuar për në repartin e kirurgjisë së Spitalit të Elbasanit për shkak të frakturave të shumta që i janë shkaktuar nga aksidenti, ndërsa të plagosurit e tjerë janë dërguar në Spitalin e Librazhdit.
Si pasojë e aksidentit dyshohet se 6 persona kanë mbetur të plagosur por ende nuk ka asnjë reagim zyrtar nga policia.
