I gjithë vendi ditën e diel është përfshirë nga moti i keq me reshje shiu dhe dëbore në zonat malore.
Reshje dëbore me intensitet të lartë ka patur edhe në bypass-in e Murrizit pjesë e rrugës së Arbrit, ku vazhdon të ketë probleme me qarkullimin e automjeteve. Si zakonisht ky aks është një problematikë e shtuar për të gjithë shoferët gjithmonë kur bie dëborë.
Sakaq, reshjet kanë nisur edhe në Bulqizë e Dibër por as atje momentalisht nuk raportohet të ketë probleme sa i përket qarkullimit të automjeteve.
