Një banesë është tentuar të grabitet nën kërcënimin e armëve të zjarrit mbrëmjen e kësaj të shtune në fshatin Prush të Tiranës.
Burime bëjnë me dije se në vendin e ngjarjes kanë shkuar në kohë efektivët e Policisë dhe grabitësit në kohën kur kanë parë uniformat blu kanë hapur zjarr ndaj tyre. Po ashtu, edhe efektivët janë kundër përgjigjur ndaj grabitësve.
Fatmirësisht mësohet se nuk ka patur të lënduar nga asnjëra palë, teksa grabitësit kanë mundur të largohen. Policia është vendosur në ndjekje të tyre.
Ngjarja ka ndodhur rreth orës 19:25. Burime bëjnë me dije se kanë qenë bashkëfshatarët ata që kanë njoftuar Policinë për tentativën e grabitjes. Sipas informacioneve të para jo zyrtare, dyshohet se grupi i grabitësve përbëhej nga tre persona.
Gjithashtu mësohet se autorët kanë qenë me një automjet tip ‘”Audi” ngjyrë të bardhë me targa “AA943SG” dhe janë larguar në drejtim të Liqenit të Thatë.
