Pas 12 orësh pritje, një avion i Ryanair që do të udhëtonte nga Tirana drejt Romës mbrëmjen e djeshme, e ka anuluar fluturimin mëngjesin e sotëm.
Qytetarët thonë për News24 se kanë pritur 12 orë për t’u nisur drejt Romës. Fillimisht iu ishte thënë se avioni kishte një defekt dhe se po punohej për ta rregulluar. Kjo zgjati orë të tëra dhe pas 7 orësh pritje në aeroport pasagjerët ishin futur në avion ku gjithashtu kanë pritur pa asnjë lajm.
Pas 12 orësh pritje, mëngjesin e sotëm komandanti i njoftoi në mikrofon se dështuan ta zgjidhin defektin dhe se duhet të kthehen në shtëpi, duke iu dhënë sigurinë se do të kompensohen.
Qytetarët u paraqitën tek agjencitë e udhëtimit, të cilat nuk kishin njoftim për anulim dhe për rrjedhojë nuk bënë kompensim.
