Rikthehen reshjet e dëborës në juglindje të vendit, reshje që kanë qenë më të dendura në zonat malore, aty ku dhe problemet kanë qenë më të mëdha me qarkullimin e mjeteve.
Te gjitha akset nacionale Qafë Thanë-Kapshticë, Zemblak-Goricë janë të kalueshme pa probleme, të kalueshme janë dhe akset rrugore të fshatrave turistike të Dardhës dhe Voskopojës dhe në rrugën Korçë-Vithkuq.
Mjetet borëpastruese të firmave kontraktore janë në gatishmëri në rast të situatave të krijuara nga reshjet e dëborës.
Nga ana tjetër, OSSHE nuk raportohen probleme në furnizimin me energjinë elektrike.
