Interpol ka lëshuar një urdhër-arresti për Milan Radoiçiç, i akuzuar si organizatori i sulmit terrorist në Banjskë të Zveçanit në Kosovë, ngjarje kjo e regjistruar më 24 shtator të këtij. Pas urdhër-arrestit nga Interpol, Radoiçiç nuk do të mundet të dalë më nga Serbia.
Ish-nënkryetarin e Listës Serbe i cili akuzohet për vrasjen e efektivit të policisë, Afrim Bunjaku, është marrë në pyetje për ngjarjen nga autoritetet serbe dhe është lënë i lirë, ndërkohë që kërkohet gjithashtu dhe nga autoritetet kosovare. Radoiçiç është i sanksionuar nga Shtetet e Bashkuara të Amerikës dhe Britania e Madhe.
Radoiçiç ka pranuar publikisht se ka marrë pjesë në organizimin e grupit terrorist që ushtroi agresion ndaj Kosovës, më 24 shtator, teksa dyshohet se mbeti i lënduar lehtë.
Pjesëmarrja e Radoiçiç në sulmin terrorist të 24 shtatorit u faktua dhe me pamje filmike nga autoritetet e Kosovës. Ai ka deklaruar se e ndërmori këtë aksion për inkurajimin e serbëve, popullit të asaj zone, sipas tij për t’i rezistuar terrorit të regjimit të Kurtit Më tej ai tentoi të heq përgjegjësitë për aksionin terrorist nga shteti serb, duke theksuar se e ka financuar vetë aksionin.
