Kreu i Partisë Demokratike, Sali Berisha ka paralajmëruar se Shqipëria do të bëhet gati për protestë, për të përmbysur regjimin.
Në hyrje të Kryesisë së Kuvendit, në një prononcim për mediat Berisha, deklaroi se sapo të vendoset një datë se kur do të mbahet protesta, do të bëhet e ditur.
“U vendos të vazhdojë mosbindja civile me të gjithë varitetet e saj. Nje pjesë e deputetëve janë tani në Komisionin e Sigurisë, ku njëri nga kriminelët më të rrezikshëm me kollare, të Shqipërisë dhe rajonit, do referojë në emër të krimit dhe drogës dhe të lidhjeve të tij që ka.
Nuk ka përqeshje më të madhe për këtë komb se të vendoset në krye të sigurisë së vendit, një individ i akuzuar në sallat e gjyqit si njeri që ka porositur vrasje. Nuk ka fatkeqësi si kjo për vendin dhe ne e denoncojmë. Sapo të caktohet data e protestës do të bëhet e ditur”, tha ai.
