Trajneri Orges Shehi u largua nga drejtimi i Tiranës, në një situatë të paqartë për të gjithë.
Klubi pretendonte se e ka pezulluar trajnerin, ndërsa ky i fundit e quante veten të shkarkuar dhe kërkon të jetë i lirë, për të zgjedhur vetë të ardhmen e tij.
Duke qenë se palët nuk kanë gjetur gjuhën e përbashkët mes tyre, çështja ka shkuar në Dhomën e Zgjidhjes së Konflikteve.
Shehi u paraqit ditën e sotme në ambientet e Federatës Shqiptare të Futbollit, për gjyqin me klubin bardheblu.
Tekniku durrsak shpreson të dalë i lirë dhe të zgjedhë të ardhmen në trajning, pasi sipas tij, ka oferta nga disa klube që e duan. Një vendim do të merret në ditët e ardhshme.
