Mungesat ishin çështje kryesore në derbin mes Tiranës dhe Partizanit. Dy skuadrat vinin mes shumë dëmtimeve që cunguan përzgjedhjet e trajnerëve.
Derbi përfundoi në barazim 1-1 me golat e Hasanit dhe Kekos që u japin nga një pikë skuadrave.
Mirëpo, në ndeshjet e javës së ardhshme shtohen edhe dy mungesa të tjera, nga një për çdo ekip.
Florjan Përgjoni i Tiranës dhe Maguette Gueye i Partizanit u ndëshkuan me karton të verdhë në derbi.
Mbrojtësi bardheblu humbet ndeshjen me Laçin, të dielën në orën 13:30 në transfertë, ndërsa mesfushori afrikan nuk do të jetë përballë Teutës, të enjten në orën 17:00 në ‘Arenën e Demave’.
