Një plagosje me thikë ka ndodhur pasditen e sotme në Tiranë.
Mësohet se në lagjen Kodra e Priftit, kunati ka goditur me thikë kunatin e tij.
Ende nuk dihen shkaqet e ngjarjes, por dyshohet se ka ndodhur për motive të dobëta.
Sakaq, raportohet se i plagosuri ndodhet jashtë rrezikut për jetën.
“Rreth orës 15:35, në QSUT është paraqitur për ndihmë mjekësore shtetasi S. H., 57 vjeç, banues në lagjen “Kodra e Priftit”, i cili në banesë, gjatë një konflikti me kunatin e tij, shtetasin S. T., 57 vjeç, është dëmtuar në dorë, me mjet prerës. Grupi hetimor po punon për sqarimin e rrethanave të konfliktit”, njoftoi zyrtarisht policia.
