28-vjeçarja Deizi Arapi është një emër i njohur si një vajzë problematike në qytetin e Bilishtit, teksa shpesh herë njoftimet e Policisë së Korçës kanë atë si protagoniste.
Ajo i është rikthyer sërish telasheve me uniformat blu, pasi së fundmi është vënë nën hetim për një konflikt që ka patur me një 22-vjeçar, ku më pas të dy i kanë dëmtuar makinat njëri-tjetrit.
“Specialistët për Hetimin e Krimeve të Komisariatit të Policisë Devoll referuan materialet në Prokurori ku filloi procedimi në gjendje të lirë për shtetasit Xh. N., 22 vjeç dhe D. A., 28 vjeçe, të dy banues në Bilisht, sepse pas një konflikti për motive të dobëta, ndërmjet tyre, i kanë dëmtuar njëri-tjetrit, automjetet”, thuhet në njoftimin e Policisë.
Deizi Arapi është bërë e njohur pasi i kanë djegur dy automjete në kohë të ndryshme, për të cilat ajo ka akuzuar drejtpërdrejt dhe deputetin demokrat të zonës Bledion Nallbati, i cili ka qenë dhe kryebashkiak i Devollit.
Po ashtu, në një rast ajo është ndaluar nga Policia, bashkë me motrën e saj Xhesika Arapi, pasi u konfliktua me punonjësit e policisë gjatë shoqërimit në Komisariat pas ankesave të banorëve për prishje të qetësisë publike. Dy motrata gjatë natës ndërsa udhëtonin me makinën e tyre bërtasin nëpër qytet. Kur policia mbërriti për t’i shoqëruar, motrat nuk kursyen fjalorin banal ndaj uniformave blu.
