Moti i keq ka shkaktuar dëme të shumta në Qarkun e Dibrës. Për shkak të reshjeve të dendura të shiut, një masi i madh dheu ka rrëshqitur duke mbuluar rrugën nacionale Klos-Qafë Buall në fshatin Kloskatund.
Si pasojë e shembjes masive të dheut, qarkullimi i mjeteve në këtë segment rrugor u bllokua për disa orë. Rrëshqitja e dherave vijon t’i afrohet edhe disa banesave. Çarja e tokës duket si të ishte bërë nga një tërmet i fuqishëm.
Banorët që jetojnë në atë zonë apelojnë për ndihmë që të ndërhyhet sa më shpejt pasi rrëshqitja mund të vijojë dhe t’ju rrezikojë shembjen e shtëpive.
