Derbi kryeqytetas mes Partizanit dhe Dinamos e luajtur në “Arenën e Demave” është mbyllur në barazim 0-0.
Një sfidë e cila nuk kishte shumë histori në pjesën e parë, por që u ndez në të dytën.
Blutë patën dy raste të pastra me Denison dhe Prodanin, por që nuk u finalizuan siç duhet.
Nga ana tjetër, “demat” i shkuan dy herë golit në fund me Mensah dhe debutuesin Birçaj të cilët u ndalën nga portieri Sali dhe traversa.
Me këtë rezultat, ekipi i Abilaliajt është në krye të klasifikimit me 28 pikë, ndërsa djemtë e Mehmetit e shohin veten në vendin e pestë me 16 pikë.
