Reshjet e dëborës që pushtuan vendin një ditë më parë, bllokuan qarkullimin në disa akse rrugore.
Ditën e sotme Autoriteti Rrugor Shqiptar njofton se të gjitha akset nacionale janë të kalueshme. Përmes një njoftimi zyrtar, ARRSH thotë se temperaturat kanë zbritur deri në -6 në zonat malore teksa u ka bërë thirrje shoferëve të pajisen me goma dimërore dhe zinxhirë në segmetet që ka ende prezencë akulli dhe bore.
Njoftimi:
Njoftim mbi gjendjen e akseve rrugore
Gjatë orëve të natës dhe në mëngjes, intensiteti i reshjeve ka rënë në të gjithë territorin
Temperaturat kanë qenë në ulje deri në -6 në zonat malore
Grupet e punës të mirëmbajtjes kanë punuar pa ndërprerje në të gjitha akset me prezencë dëbore për pastrimin, zgjerimin dhe evitimin e ngricave
Qarkullimi vijon pa probleme në të gjitha akset nacionale
Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.
