Një politikane serbe ka hyrë në territorin e Kosovës në mënyrë ilegale dhe pse është shpallur prej vitesh person “non grata” nga qeveria e Prishtinës.
Milica Stemenkovski, një politikane serbe së cilës i është ndaluar hyrja në territorin e Kosovës, ka publikuar një foto ku thotë se ndodhet në veri të vendit.
Ajo deklaron se ka hyrë në Kosovë në rrugë tokësore, pa u identifikuar nga ana e autoriteteve të Prishtinës. “Kush e di qëllimin i njeh rrugët”,- shkruan ajo në një postim në rrjetet sociale.
Autoritet e Prishtinës nuk kanë reaguar për këtë rast. Ndërkohë në mediat serbe i është bërë jehonë shkeljes së kufirit të Kosovës nga një politikane 30-vjeçare ka i rënë në sy institucioneve të sigurisë kufitare të Prishtinës.
Pas vizitës së pretenduar në territorin e Kosovës, ajo ka publikuar një video nga një fshat kufitar në Serbi, ku akuzon shqiptarët për krime dhe terrorizëm.
Stemenkovski, është kryetarja e një partie ultra nacionaliste që bën thirrje për të marrë sërish Kosovën. Sloganet e partisë së saj në këtë fushatë elektorale janë për kthimin e ushtrisë serbe në territorin e Kosovës.
УШЛА САМ НА КОСМЕТ
Годинама ми блокирају улазак на КиМ под изговором да им "нарушавам уставни поредак". За мене је важно да браним уставни поредак моје државе. Мислили су да ће ме и вечерас зауставити али као што сам рекла – ко зна циљ, тај зна и пут, макар био кроз шуму.… pic.twitter.com/FHzqoduH7D
— Милица Ђурђевић Стаменковски (@milicazavetnica) November 24, 2023
