Ambasada e Italisë në Tiranë ka reaguar në lidhje me situatën e krijuar kohët e fundit në Parlamentin e Shqipërisë. Ditën e hënë në mes të kaosit dhe flakëve kaloi buxheti i shtetit për vitin 2024.
Ambasada bën thirrje për një parlament funksional dhe një dialog frytdhënës mes deputetëve të zgjedhur. Ajo nxit si shumicën, ashtu dhe opozitën për të siguruar që Parlamenti të ushtrojë detyrën e tij në interes të të gjithë shtetasve.
Reagimi i Ambasadës së Italisë në Tiranë:
Ambasada e Italisë në Tiranë shpreh shqetësim për zhvillimet më të fundit në Parlamentin shqiptar. Një Parlament funksional dhe një dialog frytdhënës midis deputetëve të zgjedhur janë thelbësorë për funksionimin e duhur të demokracisë. Nxisim shumicën dhe opozitën të punojnë së bashku për të siguruar që Parlamenti të mund të ushtrojë detyrën e tij në interes të të gjithë shtetasve.
