Shkon në 21 numri i Kombëtareve që kanë arritur të sigurojnë një biletë për në Europianin e Gjermanisë.
Kroacia ishte skuadra e fundit që arriti të kualifikohej direkt falë fitores mbrëmjen e sotme 1-0 ndaj Armenisë.
Gjermania ka qenë skuadra e parë si vendi pritës, e me radhë sipas kohës kur janë kualifikuar kanë siguruar biletën edhe Belgjika, Franca, Portugalia, Skocia, Spanja, Turqia, Austria, Anglia, Hungaria, Sllovakia, Shqipëria, Danimarka, Holanda, Rumania, Zvicra, Serbia, Italia, Çekia, Sllovenia dhe së fundmi Kroacia.
Tashmë ka mbetur vetëm verdikti i play-off-ve të Ligës së Kombeve që do të caktojë edhe 3 skuadrat e fundit që plotësojnë kuadrin e 24 ekipeve pjesëmarrëse në “EURO 2024” që do të mbahet verën e ardhshme.
Ndërkohë, pas përfundimit të ndeshjeve të sotme është bërë edhe ndarja në vazo e ekipeve për shortin e fazës finale që zhvillohet më 2 dhjetor, duke marrë për bazë renditjet dhe pikët në grupe, Shqipëria është e konfirmuar në vazon e dytë, por kundërshtarë të rrezikshëm ka edhe në vazon e tretë apo të katërt.
Kështu, është mëse e mundshme të ketë një “grup ferri”, pasi në vazon e tretë gjenden skuadra si Holanda e Kroacia, ndërsa Italia ka përfunduar në vazon e katërt.
Ndarja sipas vazove:
