Gjykata e Apelit të Juridiksionit të Përgjithshëm vendosi lënien në burg të 21-vjeçarit Jorgaq Thengjilli i cili më datë 5 nëntor shkaktoi aksidentin me dy të plagosur pranë Kryeministrisë.
Gjykata e Shkallës së Parë në Tiranë e vlerësoi si të ligjshëm masën e arrestit në flagrancë të personit nën hetim dhe e la në fuqi atë.
Çështja në apel u shqyrtua mbi bazën e ankimit të bërë nga Jorgaqi, i cili kërkoi ndryshimin pjesërisht të vendimit caktimin e një mase sigurimi më të butë si atë të “Arrestit ne shtëpi”, “Detyrimit për tu paraqitur në policinë gjyqësore” ose “Ndalimin e daljes jashtë shteti”.
