37 autobusë dhe mjete elektrike do i jepen Shqipërisë nga Britania e Madhe, që do i kostojnë 1.5 milionë paund dhe është pjesë e marrëveshjejes së nënshkruar së fundmi për kthimin e të burgosurve shqiptarë.
Mediat britanike “The Indipendet” raporton se marrëveshja, e shpallur në maj, do të bëjë që 200 shqiptarë të burgosen në Angli dhe Uells të vijnë në Shqipëri për pjesën tjetër të dënimit. Në këmbim, qeveria britanike ka premtuar se do të ndihmonjë në “modernizimin” e sistemit të burgjeve shqiptare.
Marrëveshja pritej t’i kushtonte Ministrisë së Drejtësisë britanike rreth 8 milionë paunde gjatë dy viteve, me financime të tjera që vinin nga Zyra e Brendshme. Zyrtarët britanikë këmbëngulin se po kursejnë me këtë marrëveshje, pasi kushton 40 mijë paund në vit për të strehuar çdo të burgosur në Angli.
Detaje të reja nga kontratat e qeverisë, të publikuara këtë muaj, tregojnë se një pjesë e marrëveshjes shumëmilionëshe po shkon drejt pajisjes së shërbimit të burgjeve shqiptare me një flotë të re automjetesh.
Rreth 500 mijë do të shpenzohen për 15 automjete elektrike, ndërsa 22 mikrobusë të rinj do t’i ofrohen shërbimit të burgjeve të Shqipërisë me një kosto prej më shumë se 1 milion paund.
Duke shpallur marrëveshjen në maj, Sekretari i Drejtësisë Alex Chalk tha se “publiku pret që kriminelët e huaj duhet të vuajnë dënimet e tyre jashtë shtetit, jo në burgjet tona në kurriz të taksapaguesit”.
Ai premtoi se marrëveshja “do të përshpejtojë largimin e këtyre shkelësve dhe do t’u japë viktimave besimin se kriminelët e rëndë do të vazhdojnë të përballen me drejtësinë dhe të kalojnë pjesën e mbetur të dënimit të tyre pas hekurave”.
Ministria e Drejtësisë në Britani nuk ka bërë ende me dije se kur do të dorëzohen automjetet dhe nëse do të mund të dërgohen më shumë vetura në të ardhmen.
Burimi: The Indipendent
