Një çift shqiptar, Emilian Bici, 43 vjeç dhe Ermelinda Saphiu, 38 vjeç, janë arratisur nga burgu “Villa Fastiggi”, pasi kishin dalë që aty për të kryer punë vullnetare, e parashikuar në planin për riintegrimin e të burgosurve, raporton Ilrestodelcarlino.
Ata punonin në fermën “De Leyva në Pesaro” dhe kishin dalë nga burgu në orën 7:00 për t’u rikthyer në orën 8 të mbrëmjes, por kur policia ka shkuar për t’i rikthyer në qeli, nuk i kanë gjetur aty.
Sipas mediave italiane, mendohet që çifti prej disa kohësh kishte organizuar planin e arratisjes, teksa punonin në fermë. Madje, ata kanë punuar me përkushtim për të fshehur gjurmët se po planifikonin arratisjen.
Burrë dhe grua ishin dënuar me burg në vitin 2018 për një tentativë vrasjeje në Punta Marina, pasi kishin goditur me thikë një 57-vjeçar jashtë një lokali në Ravenna gati gjashtë vjet më parë.
