Pak ditë pas publikimit të rastit të dhunimit të vajzës 3 vjeçare në kopshtin “Stinët”, në kryeqytet, një tjetër e mitur ka përfunduar në spital këtë të enjte, në Krujë.
Blutë bëjnë me dije se një 4 vjeçare është paraqitur në spital për ndihmë mjekësore, pasi sipas familjarëve është rrëzuar në kosphtin që frekuenton.
Ende nuk dihen shkaqet dhe rrethanat e ngjarjes, ndërsa mësohet se e mitura ka pësuar dëmtime në dorë.
“Me datë 16.11.2023, është paraqitur në spital për ndihmë mjekësore, e shoqëruar nga familjarët e saj, një e mitur 4 vjeçe, e cila dyshohet se është rrëzuar në çerdhen që frekuenton dhe si pasojë është dëmtuar në dorë”,- njofton Policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
